తెలుగు భాషా పరిరక్షణలో ప్రభుత్వం యొక్క పాత్ర-మన కర్తవ్యం "ప్రజ పద్యం "

తెలుగు భాషా పరిరక్షణలో ప్రభుత్వం యొక్క పాత్ర-మన కర్తవ్యం

మ.కో. నేను సైతము మాతృభాషను నిష్ఠతోడను నేర్పుచున్

కూనలందున దెల్గువెల్గులు గోరుచుండగ నా మదిన్

ప్రాణ మిచ్చుచు ప్రేమపంచుచు  ప్రాతినిధ్యమె నా విధిన్ 

మేనునిచ్చిన నాంధ్ర వాక్కుని మేళవించెద మోదమున్ (1) 

సీ. తెలుగు యక్షరములు తేనీటి కణములు
రుచి చూడు మొకసారి శ్రోణగలయు
తెలుగు వ్యాకరణము స్థిరమైన వరణము
నేర్చి చూడు సొగసౌ నీదు వాక్కు
తెలుగు ఛందస్సులు ధీరత్వ కవితలు
సాహిత్య సంపద సారమెరుగు
తెలుగు గద్యములన్ని తెలుపు నాంధ్రులకీర్తి
తెలుసుకో మన గొప్ప తెలుగు విలువ

తే.గీ. తెలుగు నేర్చుచు ప్రభువులు వెలిగిరపుడు
తెలుగు నేముందనుచు నేడు పలుకు లేల?
తెలుగు నేర్చిన నభివృద్ధి తేలి పోదు

తెలుగు పరిరక్షణము జేసి నిలుపు ఖ్యాతి! (2)      

కం. గ్రంథాలయములు పెంచుచు

సంధానించుము తెలుగును సంస్కరణమ్మున్

బంధమవుచు నాశక్తిన్ 

స్కంధములను  తెరుచునయ్య!  సర్కారయ్యా!   (3)

స్కంధములు  = దారులు 

ఆ.వె. భాష గొప్పతనము ప్రజలకు తెలుపుతూ

తెలుగు వెలుగు పంచు ధ్యేయ మనుచు

జాతి విలువ నిలిపి జాగృతి నిచ్చుచు

తరతరాల చెంత దాగు నెపుడు   (4)

కం. తెలుగును నేర్పిన గురువుల

విలువ తెలిసి నాదరించు విద్వత్తునిడున్

కలవరపడి వారుండిన

కలతలు మెండగు తెలుగుకి, కాచుము విధిగా  (5)

… మల్లేశ్వరరావు పొలిమేర

   Trophy Club, Texas, USA. Ph: +1 9253894335