విజయదశమి శుభాకాంక్షలు

విజయదశమి శుభాకాంక్షలు
***********************ద్విపదమాలిక ****************************
అసురునిపై దేవ యని కృతయుగము
వశపరచుకొనెడి వంకర బుద్ధి 
త్రేతాయుగమ్ము దరిన్ చేర దలచె 
సీత నపహరించి శ్రీలంక నందు
ద్వాపర యుగ మన్న దమ్ములలోన
నాపసోపాలతో నధికమించగను
కలియుగమందు నీకంతర్గతమయి
కలవరపరచుచూ కల్మష మిచ్చు
మతములు జెప్పెడి మానవత్వమిడి
సతమతమయి నేడు స్వార్ధమ్ము కోరి
దుష్ట శక్తి నెదిరి దుర్బుద్ధి నెదిరి
కష్టమ్ము రాకుండ కలిమి కోరుచును
మానవుడె మనిషిన్ మనలో నొకడని
మానము నిచ్చెడి మార్పు కొరకును
దసరాను జరుపుచు ధ్యానించు భువిని
దిశజూపి నెలకొల్పు దేశమున్ శాంతి.
***************************************************
అని = యుద్ధము , మానము = గౌరవము