మిత్రుడు

***************మిత్రుడు***************
పుట్టిన రోజు పండుగన్
తట్టిన నాటి స్నేహమున్
వట్టిగనుండు బంధమై
గట్టిగ చుట్టు ముట్టురా

మిత్రుని కన్న మిన్నగా 
చిత్రము జూప లేరుగా
మిత్రుడు తోడు నీడగా
ఆత్రము నందు నుండురా 

ఆశకు నూత మిచ్చుచున్
దోషములన్ని జూపుచున్
చూసిన కొద్ది రోజులున్
వేసెను బాటలెన్నియో

వీడిన నేమి యిప్పుడున్
ఆడిన నాటి ఆటలాన్
పాడిన నాటి పాటలన్
వాడిగ నెమ్మి పంచగా   

నేరుగ నాత్మ సాక్షిగా
చేరుచు నంతరాత్మమున్
కోరును మంచి నీకురా
దూరము నున్న దోస్తురా
******************************
నాగర (నాగరక)
వృత్తం రకానికి చెందినది
అనుష్టుప్పు ఛందమునకు చెందిన 87 వ వృత్తము.
8 అక్షరములు ఉండును.
12 మాత్రలు ఉండును.
మాత్రా శ్రేణి: U I I - U I U - I U
4 పాదములు ఉండును.
ప్రాస నియమం కలదు
ప్రతి పాదమునందు భ , ర , వ(లగ) గణములుండును.