భరతమాత ఒడిలో భాగ్యవంతులం
భరతజాతి పలుకు పంచి చూపుదాం (ప)
మాతృభూమి గాలి మాతోడు మానీడ
మాతృభూమి నీరు మాయందు ప్రవహించు
మాతృభూమి మాట మామంచి సంస్కృతిన్
మాతృభూమి పేరు మాతోటి నడయాడు
మాతృభూమి వెలుగు మలచి చూపుదాం (చ 1)
స్వాతంత్ర దినమును స్వాగతించి నేడు
ఆమువ్వన్నెల జెండా ఆశలో భాగమై
అమరవీరులందరిని ఆత్మలో నిలిపి
అరాచకత్వమ్ము అణిచివేయదలచి
మాతృభూమి వెలుగు మలచి చూపుదాం (చ 2)
సారవంతపు నేల, సముద్రకాంతలు గల్గి
సంప్రదాయము, సాంకేతికలు నిండి
సాహిత్య సంపద, సహజసిద్ధ వనరులతో
సర్వమత సమ్మేళనములు జూపు
మాతృభూమి వెలుగు మలచి చూపుదాం (చ 3)
