అమ్మనాన్నల యెడ
సీ.
మనసుమెచ్చెడి ప్రేమ తనువునిచ్చెడి ప్రేమ
అమ్మనాన్నల యెడ కమ్మనౌచు
పరిణయమైనను, పయనములైనను
దూరముండుట నిటు భారమౌచు
పలకరింపుల తోడ పులకరింపులు గాని
కలుచుచున్నటి రోజు కానరాక
మంచి జీవితమిచ్చి మించిన నాయుస్సు
తోడులేమను ధ్యాస తొలచు చుండె!
తే.గీ.
వారు గర్వించి నభివృద్ధి చేరుటకును
వారి పౌత్రుల నభిలాష తీరుటకును
దూరభారముల్ లెక్కింప త్రోవయందు
మమ్ము గుర్తించి దీవించు మమత జాలు!
Comments
Post a Comment