అమెరికా యందున్న

విద్య నేర్చి కొలువులకు విదేశములుకు వెళ్లినంత తల్లి దండ్రులు ఎంత బాధ పడుతున్నారో ,
పిల్లలు తప్పని పరిస్థితులలో అదే అనుభవము పొందుచున్నారు...
కొంత మంది దేశము వీడినంత ప్రేమలు లేని వారని, ధన లోభులని తెలిపుచున్న,
తనయుల భావన జూపుచూ తల్లి లేక తండ్రి తో పలికే పలుకులుగా ....
సంత = చెంత, కాతు = కాచెదను, సంతసము = సంతోషము, నెమ్మి = ప్రేమ

సీ. నీదు కష్టము జూసి నేర్చిన బిడ్డను
నీ బాట నీ మాట నీడ యైన
ప్రతిభ పొందిన నాడు పయనమే విదితమై
వృత్తి ధర్మము నభివృద్ధి నిచ్చి
దారిద్రమును దాటి ధరణిలో తిరుగుచు
స్థిర పడెనిటు పరిస్థితుల తోడ
అమెరికా యందున్న ఆత్మ నీ యందుండు
నిన్ను వీడిన కాతు నెమ్మి యందు

తే. తల్లి దండ్రుల శ్రమకు సత్ఫలిత మిచ్చి
సంతసము పొందు వేళకు సంత లేక
తల్లడిల్లుచు విధియందు దాసుడైన
తప్పు తనయునందుంచుచు చెప్పు టేల?