శ్రీరామ నవమి

******************************************************
ఉ. "ఉంగరమందుకొన్న కపియోధుని యుల్లము పల్లవించె స
ర్వాంగములందు మేను పులకాంకురముల్ వహియించె, చిత్తము
ప్పొంగె ముదమ్మునన్, ధరణీపుత్రికనే కనుగొన్నయట్లు , క
న్నుంగవ నుండి రాలినవి నూతన హర్షకవోష్ణ బిందువుల్ "
******************************************************

ఆనాడు రామచంద్రమూర్తి సీతమ్మతల్లి అన్వేషణలో అన్నికోట్ల వానరులలో ఒక్క హనుమమీద విశ్వాసంతో
రామనామాంకితమైన ఉంగరాన్ని ఇచ్చినప్పుడు హనుమకు " మనస్సు ఉప్పొంగి పోయినదట,
అన్నీ అవయవాలు పులకించిపోయాయట, ఉంగరం అందుకున్న
వెంటనే ఆ సీతమ్మను కనుగొన్నంత ఆనందం కలిగిందట ".
కేవలం ఉంగరమందుకొన్న హనుమ అంతగా పులకించిపోతే ,
మరి మనం ఆ 'సీతారాముల కళ్యాణం' జరిపి ఎంత పులకించిపోవాలి ?

అనే బాలుగారి ఆహ్వానానికి ఉత్తరముగా ...నా పద్యము
******************************************************
ఉ.ముంగిట సీత- రాములకు ముచ్చటగొల్పుచు పెండ్లి జేయఁగన్
రంగుల శోభనిచ్చుచును రమ్యముగా వెలిగొందు దంపతుల్,
మంగళమౌచు జీవితము మానస మందున దివ్య కాంతులన్
పొంగుచు, జేయువారులకు పుణ్యఫలమ్మును కల్గుచుండెడిన్.
******************************************************