శివమావయ్య, వరలక్ష్మి అత్తల రజతోత్సవము
మ. అత్త మావల పెళ్లి రోజిది యాత్మనిండుగ వేడుకే
పొత్తుగన్ రజతోత్సవమ్మును పూనుకొంటిరి హృద్యమై
ఎత్తగన్ శివ, లక్ష్మి తోడుగ మెప్పుపొందుచు నెప్పుడున్
హత్తుకొందురు బంధుమిత్రుల యందు దీవెనలన్నియున్
గౌరి పద్యము
హృదయము నిలుచు స - హృదయ మాతా మమతను దెలుపు స - మతగ మాతా కలమును గదుపు స - కలము మాతా ఫలముగ నిడుము స - ఫలము మాతా ! అయ్యో గౌరీమాతను "గౌరి"లో కొలుచుదామని అనుకొని...ప్రాస... తప్పు తప్పు ... *****************గౌరి ********************** శివునికి సగమవు - చెలివి గౌరీ దివిని సురలయెడ - దిశవు గౌరీ అవనికి ప్రియమగు - నమవు గౌరీ కవనము నొసగెద - కరుణ గౌరీ! (1) పలికెద పదమున - ప్రతి దినమ్మున్ తలఁచెద తరగని - దగు తపమ్మున్ మలిచెద మనసును - మరి గతమ్మున్ కొలిచెద మమతల - గుడిని, గౌరీ! (2) *************************************** అమ = అమ్మ గౌరి పద్య లక్షణములు అతిజగతి ఛందమునకు చెందిన 2048 వ వృత్తము. 13 అక్షరములు ఉండును. 15 మాత్రలు ఉండును. మాత్రా శ్రేణి: I I I - I I I - I I I - I I U - U 4 పాదములు ఉండును. ప్రాస నియమం కలదు ప్రతి పాదమునందు న , న , న , స , గ గణములుండును.
Comments
Post a Comment