నూతన సంవత్సర శుభాకాంక్షలు

మిత్రులందఱకు నూతన సంవత్సర శుభాకాంక్షలు
**************ద్విపద**************** ***********
గడచు ప్రతి క్షణము గతముగా దలఁచు
విడుచు కష్ట సుఖముల్ విరివిగా మనకు

కలసి వత్సరమందు కదలాడు స్మృతులు
పలుకుతున్నది నేడు ప్రత్యక్షమౌచు

తప్పు జేయని వాడు ధరణిలో లేడు
ఒప్పు జేసిన నాడు గొప్పవాడగును

కష్టముల్ చూసిన కలత చెందకుము
దృష్టి సారించు, నీ కృషినుండు జయము

ఆనంద సమయాలు నరుదుయై నేమి
వానందు దొరుకురా వసి పెక్కు తుదకు

నూతన మన్నను నుత్సాహమిచ్చి
చేతల నన్నియున్ శ్రీకారమిచ్చు

ఉభయ కుసలముల నొలయుచు మళ్ళి
అభినందనలతోడ నాశించు "మల్లి"
***********************************************
వత్సరము = సంవత్సరము , వసి = ఉత్సాహము,
ఒలయు = కోరు

కళావెంకట్రావు

మా ఉన్నత పాఠశాల రోజులు ...
కళావెంకట్రావు జిల్లా ప్రజాపరిషత్ పాఠశాల,
శివదేవుని చిక్కాల, ప.గో.జిల్లా
స్వర్ణోత్సవాలు జరుపుకుంటున్న సందర్భముగా
**************************************************
సీ. అల్లూరి సాక్షిగా అడుగు లేసిన రోజు
ప్రార్థనతో సాగు పాఠశాల
కొలనులో నందాలు బాలల చందాలు
బడి నేర్పు పాఠాలు పండుగులయి
కాలమున్న మొదలు కపటపు మాటలు
కలబోయు చదువులు కాంతి నిచ్చు
నాతోటి మిత్రులు నలుదిక్కులాడుచున్
పల్కుచున్ వచ్చిరి పల్లె వఱకు

తే.గీ. చేరి శివదేవ చిక్కాల, చిన్నతనము
బాల్య విద్యను నేర్చిన ప్రతిదినమ్ము
పలకరించుచు దట్టిన ప్రతి క్షణమ్ము
మంచి స్మృతులుగా నేటికి మదిని దలచు
**************************************************

మత్తకీర

చదువులకై ప్రాణములు తీసుకుంటున్న విద్యార్థి వార్త విని, వ్రాయబడినది..
మత్తకీర
***********************************************************
చదువుల కొఱకు ప్రాణముల్ విడి చాటిచెప్పిన దేమిరా
చెదురు మదురయి జీవితమ్ములు చేటుకాలము నిచ్చురా
మదన పడుచు శ్రమించు నాప్తుల మానసమ్ముల సాక్షిగా
వదల వలదు ప్రయత్న సాధన భావితమ్ముకు బాలకా!
***********************************************************
మత్తకీర:
20 అక్షరములు ఉండును.
26 మాత్రలు ఉండును.
మాత్రా శ్రేణి: I I I - I I I - I U I - U I I - U I U - I I U - I U
4 పాదములు ఉండును.
ప్రాస నియమం కలదు
ప్రతి పాదమునందు 13 వ అక్షరము యతి స్థానము
ప్రతి పాదమునందు న , న , జ , భ , ర , స , వ(లగ) గణములుండును.

చదువులకై ప్రాణములు తీసుకుంటున్న విద్యార్థి వార్త విని, వ్రాయబడినది.. మత్తకీర

చదువులకై ప్రాణములు తీసుకుంటున్న విద్యార్థి వార్త విని, వ్రాయబడినది..
మత్తకీర
***********************************************************
చదువుల కొఱకు ప్రాణముల్ విడి చాటిచెప్పిన దేమిరా
చెదురు మదురయి జీవితమ్ములు చేటుకాలము నిచ్చురా
మదన పడుచు శ్రమించు నాప్తుల మానసమ్ముల సాక్షిగా
వదల వలదు ప్రయత్న సాధన భావితమ్ముకు బాలకా!
***********************************************************
మత్తకీర:
20 అక్షరములు ఉండును.
26 మాత్రలు ఉండును.
మాత్రా శ్రేణి: I I I - I I I - I U I - U I I - U I U - I I U - I U
4 పాదములు ఉండును.
ప్రాస నియమం కలదు
ప్రతి పాదమునందు 13 వ అక్షరము యతి స్థానము
ప్రతి పాదమునందు న , న , జ , భ , ర , స , వ(లగ) గణములుండును.

Happy Christmas

*******************KANDAM ******************** Happy Christmas my friends Hoping this festival day, U celebrate well! Happy Merry Christmas Get Peace and joy, day by day, Gift of God's bell! *****************కందం ********************* హాపీ క్రిస్ట్మస్ మై ఫ్రెండ్స్ హోపింగ్ దిస్ ఫెస్టివల్ డె, యు సెలబ్రేట్ వెల్! హాపీ మెర్రీ క్రిస్ట్మస్ గెట్ పీస్ అండ్ జోయ్ డె బై డె, గిఫ్ట్ ఆఫ్ గాడ్స్ బెల్! **************************************

సుప్రభ

*******************************
ఆ.వె. ఆటవెలదులన్ని నందచందమ్ముగా
బ్రాసతోడ బలికె రాగములను
వాణి మీద భక్తి ప్రభవించు పద్యముల్
సుప్రభలను జిందె సుస్వరమ్ము
*******************************

AIRHYD

మత్తేభవిక్రీడితము
*************************************
కనరా! పూర్వము నష్టదిగ్గజములున్ గానమ్ము  కీర్తించెరా
వినరా! నాటి కవిత్రయమ్ము పలుకుల్, విఖ్యాతమై  పోతనన్
వనమై నేడు విదేశముల్ పఱచుచూ ప్రఖ్యాతమొందెన్ గదా 
ఘనమై వెల్గు తెలుంగు తేజము తెలంగానమ్ము నందంతటన్!
*************************************

శ్రీగౌరి

గవరపేట గ్రామంలో ఈ రోజు గౌరీ పార్వతి దేవి పుట్టినిల్లుగా తలచి ఊరిలోని ఇంటింటికి వెళ్లి అందరిని పలకరించి తరువాత అత్తవారిల్లుగా తలచు గంగలో నిమజ్ఞమునకు సిద్ధమగుచున్నది.
అయితే ఆ ప్రస్థానంలో పానుపునేసి వేడుకొంటున్నారు పుర ప్రజలు ...

ఉ. పానుపు నింటి ముంగిటను పర్చుచు పూవులు పళ్లతోడ మా
కానుకలన్న మర్చితిమి గౌరి, మహేశ్వర తోడ నీదు ప్ర
స్థానము గ్రామమంతయును సాగుచు దీవెనలిచ్చి కాచి మా
మేను కదృష్టముల్ విడిచి మిక్కిలి జీవనమందు నిల్పుమా!

ప్రస్థానము =ప్రయాణము , మేను = జన్మము

మల్లేశ్వరరావు పొలిమేర
12/09/2017

KVR

కం. శివదేవుని చిక్కాలన్
భవిత కొరకు విద్యనేర్చి భాగ్యుడ నైతిన్
అవనిని నేడ బ్రతికినన్
సవిధమ్మున తిరిగుచుండు సత్వము నందున్
సవిధమ్ము=సమీపము, సత్వము=మనన్సు
అవని=భూమి

మల్లేశ్వరరావు పొలిమేర
12-08-2017