నూతన సంవత్సర శుభాకాంక్షలు

మిత్రులందఱకు నూతన సంవత్సర శుభాకాంక్షలు
**************ద్విపద**************** ***********
గడచు ప్రతి క్షణము గతముగా దలఁచు
విడుచు కష్ట సుఖముల్ విరివిగా మనకు

కలసి వత్సరమందు కదలాడు స్మృతులు
పలుకుతున్నది నేడు ప్రత్యక్షమౌచు

తప్పు జేయని వాడు ధరణిలో లేడు
ఒప్పు జేసిన నాడు గొప్పవాడగును

కష్టముల్ చూసిన కలత చెందకుము
దృష్టి సారించు, నీ కృషినుండు జయము

ఆనంద సమయాలు నరుదుయై నేమి
వానందు దొరుకురా వసి పెక్కు తుదకు

నూతన మన్నను నుత్సాహమిచ్చి
చేతల నన్నియున్ శ్రీకారమిచ్చు

ఉభయ కుసలముల నొలయుచు మళ్ళి
అభినందనలతోడ నాశించు "మల్లి"
***********************************************
వత్సరము = సంవత్సరము , వసి = ఉత్సాహము,
ఒలయు = కోరు