ద్వేషము బెంచిన

సీ.
ద్వేషము బెంచిన తీయటి బంధము
తండ్రని మరచిన తండ్రి యతను
కూతురు బతుకును కూల్చునని మఱచి
కోరుకున్న పగల గుడ్డి వాడు 
ప్రేమగ బెంచెను ప్రేమకై తుంచెను
ప్రేమలో కడతేర్చె ప్రియుని నతను
నందరి ముందర నలుసగు, తండ్రియే
ఆదికాలమునుండి యాప లేక

తే.గీ.
మానవత్వము మిన్నగ మంచి చూడు
ఎన్ని ద్వేషములున్నను నెంచి చూడు
మనిషి జీవము తీసిన మార్చగలమ?
మనసు మందబుద్ధిని నేడు మట్టు బెట్టు

పిల్లలందున ప్రేమలు ప్రియుని కన్న
పెద్ద పుంతలు తొక్కుచు పేరుకున్న
తెలిపి చూపెదవెన్నియో దీవెనలను
పరువు నిలిపి బంధములను పంచగలవు