భక్తి భావపు ఆటవెలదులు

********భక్తి భావపు ఆటవెలదులు ***********
అమ్మ యన్న భక్తి నమ్మకానికి శక్తి
అమ్మ కన్న మిన్న యవని నేది?
అమ్మ వేరు వేరు యనుచు నందఱును, మా
యమ్మ మతము గొప్ప యనుట లేదు! (1)
నాన్న యన్న భక్తి వెన్నెముకఁగఁ దల్చు
నాన్న మార్గమిచ్చి నాంది పలుకు
నాన్న వేరు వేరు యున్న నందఱును, మా
నాన్న మతము గొప్ప ననుట లేదు! (2)
గురువు యుక్తి నెఱిఁగి కోరు జ్ఞానపు బోధ
గురువు యందు "లేని" గురుతు లేదు
గురువు వేరు వేరు గున్న నందఱును, మా
గురువు మతము నుండు గొప్ప యనరు! (3)
మీరు నమ్ము చుండి, మెచ్చెడి దేదైన
మీకు సొంతమౌను మేలు కొఱకు
వేరు వారి మతము వారి భక్తికి చెల్లు
ఎవరి మతము వారి యెదనుఁ దట్టు (4)
భక్తి భావ మందు వరలును స్నేహమ్ము
భక్తి మూఢు లందు బ్రతక లేదు
భక్తు లందు మూఢ భక్తులు వేరయా
భక్తి నెరిగి మసులు బాధ్యుడవుచు! (5)
మంచి చెడులు వీడి మానవత్వము వీడి
మనిషి బ్రతుకు కొఱకు మసల లేక
మతము నందు దాగు మంచిని నేర్వక
మాది మీది యనుచు మంట లేల? (6)
***********************************************
మతము = అభిప్రాయము
మల్లేశ్వరరావు పొలిమేర
08.27.2018

Comments

Post a Comment

Popular posts from this blog

8వ ఉత్తర అమెరికా తెలుగు సంబరాలు - ఆంధ్ర (ప్రవాస) పౌరులై!

Image
    ఆంధ్ర పౌరులై ! ఉత్పలమాలలు   నేనొక రోజు చిత్తమున నిచ్చెలగా పరిశీలనాత్మమున్ దేనిని బొందడానికని దీరములన్నియు దాటివచ్చి, యా కానని బుణ్యభూమియెడ కమ్మని బ్రేమను బంచునంచు, నే  వానిని గుర్తుచేసుకొను భాగ్యము నిప్పుడు పద్యమల్లికన్ ! (1)   ఊరును వీడి, యున్నతము నోర్పుగ యుక్తిని దోడ నేర్చుచున్ వీరులు వీరు నభ్యుదయ వీక్షణ గాంచగ విశ్వ వ్యాప్తికై    చేరి ప్రవాస జీవితము శ్రేయముగా గనువిందు గాంచుచున్ పేరును బెంచుచున్, తెలుగు బిడ్డలు, నెంతటి బాట లేయునో! (2)   కష్టములెన్నియున్న తన కార్యపు దీక్షను బెంచి జూపుచున్ సృష్టిని సాధనాయుతపు వృద్ధిని బుద్ధిని పొందుపర్చుచున్      ఇష్టముజేసి నేర్పులను శిక్షణ బొందుచు ముందుజూపుతో స్పష్టత జూపి కార్యమును సాధన నిల్పెను, యాంధ్ర పౌరులై! (3)   తాతలు లేరు నేర్పుటకు, దండ్రుల సంపదలెల్ల లేకనే చేతురు కాయకష్టములు, స్నేహపు భావము స్వీకరించుచున్ భీతిని వీడి సాగినను బింబము జూపెడు రోజుకోరుచున్   జాతికి వీరు నాద్యులగు, సంస్కృతి నేర్పుచు నెల్లలోకమున్   (4)    ...
Read more

గౌరి పద్యము

హృదయము నిలుచు స - హృదయ మాతా మమతను దెలుపు స - మతగ మాతా కలమును గదుపు స - కలము మాతా ఫలముగ నిడుము స - ఫలము మాతా ! అయ్యో గౌరీమాతను "గౌరి"లో కొలుచుదామని అనుకొని...ప్రాస... తప్పు తప్పు ... *****************గౌరి ********************** శివునికి సగమవు - చెలివి గౌరీ దివిని సురలయెడ - దిశవు గౌరీ అవనికి ప్రియమగు - నమవు గౌరీ కవనము నొసగెద - కరుణ గౌరీ! (1) పలికెద పదమున - ప్రతి దినమ్మున్ తలఁచెద తరగని - దగు తపమ్మున్ మలిచెద మనసును - మరి గతమ్మున్ కొలిచెద మమతల - గుడిని, గౌరీ! (2) *************************************** అమ  = అమ్మ  గౌరి పద్య లక్షణములు అతిజగతి ఛందమునకు చెందిన 2048 వ వృత్తము. 13 అక్షరములు ఉండును. 15 మాత్రలు ఉండును. మాత్రా శ్రేణి: I I I - I I I - I I I - I I U - U 4 పాదములు ఉండును. ప్రాస నియమం కలదు ప్రతి పాదమునందు న , న , న , స , గ గణములుండును.
Read more

భర్తృహరి నీతిశతకం – కేయూరాణి న భూషయన్తి

శ్లోకం: केयूराणि न भूषयन्ति पुरुषं हारा न चन्द्रोज्ज्वला                                    न स्रानं न विलेपनं न कुसुमं नालङ्कृता मूर्धजाः I वाण्येका समलङ्करोति पुरुषं या संस्कृता धार्यते क्षीयन्तेखिल भूषणानि सततं वाग्भूषणं भूषणम् II                                            भर्तृहरि नीतिशतकम्  । శ్లోకం: కేయూరాణి న భూషయన్తి పురుషం హారా న చన్ద్రోజ్జ్వలా న స్నానం న విలేపనం న కుసుమం నాలఙ్కృతా మూర్ధజాః । వాణ్యేకా సమలఙ్కరోతి పురుషం యా సంస్కృతా ధార్యతే క్షీయన్తేఖిల భూషణాని సతతం వాగ్భూషణం భూషణమ్ ॥             భర్తృహరి నీతిశతకం – విద్వత్పద్ధతి పై శ్లోకములోని నాలుగవ పాదానికి పాఠాంతరం: క్షీయన్తే ఖలు భూషణాని, సతతం, వాగ్భూషణం భూషణం పద విభాగం: కేయూరాణి, న భూషయన్తి, పురుషం, హారాః, న, చన్ద్రోజ్జ్వలాః, న స్నానం, న విలేపనం, న కుసుమం, నాలఙ్కృతాః, మూర్ధజాః, వాణీ, ఏకా, సమలఙ్...
Read more