స్నేహితుల దినోత్సవ శుభాకాంక్షలు

స్నేహితుల దినోత్సవ శుభాకాంక్షలు
**********ఆటవెలదులు********************
స్నేహ మన్న మాట చేదోడు వాదోడు
నెట్టి వారి కైన నెదనుఁ దట్టుఁ
నుర్వి జనుల కెల్ల నోదార్పు నిచ్చుచు
బంధువులను మించు బంధ మగును! (1)

చిన్న నాడు మైత్రి చిగురించు తీగలా
అల్లుకొనుచుఁ బూయు మల్లె మనసు
ఎట్టి వైర మైన నింతలో మాయమై
కుదుట పరుచు నోయి కొంటె తలపు! (2)

యుక్త వయసు నందు యుక్తమౌ స్నేహమ్ము
బతుకు తెరువు నేర్పి బాధ్య తిచ్చు
మంచి చెడ్డ లన్ని మాటలోఁ గలబోసి
హాస్య మందు నింపి హత్తు కొనును! (3)

నేటి వరకుఁ గలిసి నిత్యమ్ముఁ దోడుగ
స్నేహ బంధ మిచ్చు స్నేహితులకు
తెలుపు చుంటి నిటులఁ దీయటి పద్యమ్ము
అందఱకు నిడుదును వందనములు (4)
************************************************
మల్లేశ్వరరావు పొలిమేర
08.05.2018