తెలుగు భాషా దినోత్సవ శుభాకాంక్షలు.

తెలుగు భాషా దినోత్సవ శుభాకాంక్షలు.
ఏ ఛందస్సులో అని ఆలోచిస్తూ సుప్రభ గారి పద్యములు చూసి ...
--
రాజమరాళ /కరశయా వృత్తము
--
గణములు - న,భ,ర
యతి లేదు
******************************************
తెలుగు భాషకు పండుగౌ
వెలుగు జూపెడు రోజుగా
పలుకు లందున ముత్యముల్
చిలుకు తెల్గుల వీరుడా (1)

నిలుపు నిత్యము గర్వమున్
కలుపు మాటల బంధమున్
తెలుపు తేనెల తేటలన్
తలపు లందున వీరుడా (2)

అలలు పొంగిన రీతిగా
జలము పాఱెడు వాగుగా
కులుకు లొల్కెడు భాషయై
మలుచు పిల్లల జన్మమున్ (3)

తళుకు తారల సందడిన్
నలుపు రాత్రిని చంద్రుడై
కళల లోకపు కాంతులన్
విలువ కల్గిన భాషరా (4)
******************************************