సీ. తోబుట్టు అమ్మవై దోబూచు దొంగవై
గారాల పట్టియై కదులు నీవు
గయ్యాళి గంపవై కయ్యాల కంచువై
కేరింత గొట్టేటి కీచురాయి
అన్నకే యన్నయై యన్ని "నా వంటివే"
చిన్ని చిట్కాలతో చెలిమి కోరి
ఏడ్చుచు నవ్వుతూ వీడంటు గిల్లుతూ
అల్లరి పిల్లయౌ అన్నతోడు
తే.గీ. రాఖి పౌర్ణమి శోభతో రవళి యొసగి
రాఖి కట్టగ యదలోన ప్రణయమొసగి
రాఖి సందడి అందడి రాగమొలకి
నన్ను మెచ్చగ వచ్చెరా నాదు చెల్లి
No comments:
Post a Comment