స్నేహం
నా స్వప్న లోకానికి నాంది స్నేహం
నా ఒంటరి పోరుకు ఊరట స్నేహం
నా ఎడారి బాటలో నమ్మకం స్నేహం
నా గమ్యపు మజిలీ గుర్తులు స్నేహం
భయభక్తుల సంఘర్షణలో
మంచిచెడుల సమాలోచనలో
ప్రేమానురాగల సముపార్జనలో
మరో మజిలీ నా స్నేహం
విభిన్న సంస్కృతులకు నిలయం
విభిన్న సంస్కరణలకు నిలయం
విభిన్న సంకీర్తనలకు నిలయం
విశ్వసృష్టిలో మరో మజిలీ స్నేహం
హాస్యానికి ఆయుపట్టు స్నేహం
కరుణలో కరిగిపోవు స్నేహం
రౌద్రానికి చోటివ్వని స్నేహం
వీరత్వాన్ని వెలికితీయు స్నేహం
భయానకంలో బలము జూపు స్నేహం
భీభత్సాన్ని బిగియపట్టు స్నేహం
అద్భుతాన్ని ఆహ్లాదించు స్నేహం
శృంగారాన్ని శోభలను ఇముడించు స్నేహం
శాంత జీవితపు సోఫాన మజిలీ స్నేహం
No comments:
Post a Comment