దీపావళి

                                                                         పల్లెటూళ్లను దాటి

పట్టణాళ్ళను దాటి

ప్రపంచ వీధుల్లోకి సముద్రతీరాలు దాటి పలకరించు దీపావళి (1)

సూర్యోదయ కాంతిలో

పురోగతికి తొలిమెట్టై

మరుజన్మగా ప్రతిదినం  పలకరించు దీపావళి (2)

చిరు దివ్వెను వెలిగించి

చిరునవ్వుల పులకించి

చిరుగాలిని వెదజల్లి పలకరించు దీపావళి (3)

మనసంతా ధ్యానమును

తనువంతా కార్యమును

కనువిందులో కవ్వింపును పలకరించు దీపావళి (4)

ఆశల పల్లకి నందుకొని

పసి హృదయాల నత్తుకొని

ముసిముసి నవ్వుల కోలాహలంతో  పలకరించు దీపావళి (5)

ఏదో తెలియని తేజస్సు

ఎప్పుడూ చూడని ఆహ్లాదం

ఎల్లపుడూ మనతోడౌ పులకరించి పలకరించు దీపావళి (6)

మల్లేశ్వరరావు పొలిమేర 

10/31/2024