శివరాత్రి శుభాకాంక్షలు

శివరాత్రి శుభాకాంక్షలు
**************************శివశంకర (సురభి)***************
శివశంకర శివశంకర శివశంకర మనుచూ
శివరాత్రిని మనసంతయు శివనామము నిడుమా
శివశక్తికి నిజరూపము చిగురించును మనసున్
అవరోధము లను మాటలు నగుపించవు కనుమా (1)

జపమాలగ శివనామము జనియించెడు విధమున్
ఉపవాసము దగురీతిని నుపయుక్తము కలుగున్
తపమందున నిలబెట్టెను దగుబక్తికి నెపుడున్
అపరాధము నణువైనను నగుపించదు వినుమా (2)
**************************************************************
శివశంకర (సురభి)
వృత్తం రకానికి చెందినది
ధృతి ఛందమునకు చెందిన 126844 వ వృత్తము.
18 అక్షరములు ఉండును.
22 మాత్రలు ఉండును.
మాత్రా శ్రేణి: I I U - I I I - I U I - I I I - U I I - I I U
4 పాదములు ఉండును.
ప్రాస నియమం కలదు
ప్రతి పాదమునందు 11 వ అక్షరము యతి స్థానము
ప్రతి పాదమునందు స , న , జ , న , భ , స గణములుండును.