పూర్వి చెవులు కుట్టించు దినము

పూర్వి చెవులు కుట్టించు దినము
***************ఆటవెలది*********************
తల్లిదండ్రులుగను దల్లడిల్లితిమిగ
రెండు దినము లందు ప్రేమతోడ
చిట్టి తల్లి పూర్వి చెవులు కుట్టుటకును, 
నెట్టి కష్ట మదని నెంచి చూసి! (1)

సుదిన మిదని దలచి కదులుచు సౌత్లేకు
నమ్మ ముద్దులిడగ నన్న తోడ
కపటమెరగక దను దపనతో పరుగెత్తు
నింటి శోభ బెంచు గంటి పాప (2)

చిన్న ముత్య మొదుగు చెవిపోగులను జూసి
నచ్చినవని పూర్వి మెచ్చగాను
కలతపఱచు చున్న, క్షణములో నతికించ
కెవ్వుమనిన వెంట నవ్వు లిచ్చె (3)
****************************************************