gouri

***************అంబురుహము************************************
అంబను మ్రొక్కినఁ జాలును మానసమందుఁ దెల్వని సౌఖ్యమౌ
సాంబుని మ్రొక్కిన నిల్చునుఁ బొందిన సౌఖ్యమెప్పుడుఁ జెంత, హే
రంబుని మ్రొక్కినఁ గార్యములందున శ్రద్ధతో విజయమ్మిడున్
అంబ కుటుంబము తోడుగనుండగఁ నందు శ్రేయముఁ నెప్పుడున్! (1)

భక్తినిఁ జూపెడు మార్గము లెన్నియొ పార్వతమ్మనుఁ దల్చుచున్
భక్తినిఁ జూపక నుండినఁ జాలనె "వంచనల్ వెలయించ కా
భక్తినిఁ బంచిన నచ్చిన రీతిని బ్రహ్మనామ మెఱుంగుటౌ,
భక్తికి మూలము యుక్తిగ శక్తిని బాధ్యపర్చుటఁ దెల్సుకో!" (2)
***************************************************************
శంభు = శివుడు, హేరంబుఁడు = విఘ్నేశ్వరుడు

అంబురుహము
వృత్తం రకానికి చెందినది
కృతి ఛందమునకు చెందిన 372151 వ వృత్తము.
20 అక్షరములు ఉండును.
28 మాత్రలు ఉండును.
మాత్రా శ్రేణి: U I I - U I I - U I I - U I I - U I U - I I U - I U
4 పాదములు ఉండును.
ప్రాస నియమం కలదు
ప్రతి పాదమునందు 13 వ అక్షరము యతి స్థానము
ప్రతి పాదమునందు భ , భ , భ , భ , ర , స , వ(లగ) గణములుండును.