పూర్వి పుట్టిన రోజు

 గానముతోడు తోచు తను గాత్రపు మాలలు మాకు విందులౌ  

ఆనతిగాన వేకువను హాస్యముతో మదిలో కుదించుచున్ 

కూన తలంపు లందెలను కూర్చుచు ప్రేమములన్ని  ప్రాసలౌ 

కానన మా గృహమ్ము పతకమ్మున పుత్తడి బొమ్మ ఆయగా   (1)

చిన్నగ చిందులేయుచును చేతను కొయ్య పు బొమ్మలందు వీ 

లున్న  విధమ్ము లాడుచును లోగిలి కందము పూయుటందుకా 

కన్నటి తల్లిదండ్రులకు కారణ భాగ్యము దీర్చి ఆకశ

మ్మున్నటి  తారవై వెలిగి ముచ్చటి గొల్పును  పూర్వి మోదమున్ (2)

********************************************************************

ప్రతీ నూతన సంవత్సరము తోడుగా 

మా యింటి పండుగై 

మా యింటి మహాలక్ష్మియై 

చిట్టడగులు అందెల సవ్వడి కూర్చుటకై 

వచ్చెరా  మా బంగారు తల్లి 

ఆటలలో  అలజడి కూర్చి 

మాటలలో మంత్రములు కూర్చి 

పాటలలో ప్రాయము కూర్చి 

తేట తేట పలుకులు 

నేటి మాట వెలుగులు కూర్చి 

వచ్చెరా   మా బంగారు తల్లి   

మొదటి సంవత్సరపు  

ముచ్చటి గొలిపి 

రెండవ సంవత్సరపు 

నిండుతనము చిలికి 

మూడవ సంవత్సరపు 

ముద్దుల నొలికి 

నాలుగవ సంవత్సరపు 

నాట్యములను వెలికి

ఐదవ సంవత్సరపు 

అల్లరిని కలిపి 

వచ్చెరా   మా బంగారు తల్లి  

తల్లికి అపురూపముగా  

తండ్రికి అనురూపము గా 

సోదరునికి సమరూపముగా 

కలగలిపి 

ప్రేమకు ప్రతిరూపమై 

వచ్చెరా   మా బంగారు తల్లి

పుత్తడి బొమ్మ పుట్టిన రోజై 

అత్తరులన్ని దట్టుచు నేడు 

రెక్కల గుర్రపు సొగసులు పూసి 

వేడుక చేయగా

వచ్చెరా   మా బంగారు తల్లి 

అట్టి మా చిట్టి తల్లికి 

పుట్టిన రోజు శుభాకాంక్షలతో 

...... మాధవి మల్లేష్ మరియు ధృవ్ 

01.02.2021

Happy Christmas 2020

 Happy Christmas

****************************************

HO HO HO HO

All kids are around the tree

Fun with all the snow

Santa surprises are here, you see (1)

I know KINKU here

Come near to me sweetheart

What do you want for Christmas dear?

I wish you will get a new cart (2)

Stockings are full of gifts

Jingle bells, here and there

PURVI dances having shifts

Christmas carols everywhere (3)

What a planned eve DHRUV

Milk and crackers are for Santa!

What a thrilling moment for kids to prove

And Make it happy with Mama’s infanta (4)

****************************************

Malleswara Rao Polimera

12.25.2020

చెల్లికి పుట్టినరోజు శుభాకాంక్షలు

 చెల్లికి పుట్టినరోజు శుభాకాంక్షలు

**************

నాకు తోడౌ బంధము 

నన్నంటు బంధము

అన్న అన్న యని నా వెంటుండు బంధము 

మనసు మమత 

మంచి చెడ్డ 

మా చిన్ననాటి సంగతులు 

పంచుకున్న కాకి యంగిలి జంతుకులు

పండుగల కోలాహలం

నిండుకున్న ఆనందాలు 

అండదండలుగ అన్నతో సహవాసము

అమ్మానాన్నల జ్ఞాపకాలు

అమ్మమ్మ తాతయ్య ఆలాపనలు

ఊసులాడుకొని ఊయ్యాలాటలు

పయనమవుతు బడికి 

గౌరమ్మ గుడికి

కొత్తబట్టల కోలాహలము చిలికి

ముసిముసి నవ్వులు యొలికి

సమీక్షలలో కాలక్షేపము

పరీక్షలకై తర్జనభర్జనలు

శిక్షణలో తాతయ్య బోధనలు

నిరీక్షణతో మార్కుల లెక్కలు

తొక్కుడుబిల్లల ఆటలో యురుకు

వీరివీరి గుమ్మడిపండులో చురుకు

చింతపిక్కల ఆటలో తలుకు

వైకుంటపాళిలో మెలుకు 

ఆటలలో కలసి

మాటలలో తలచి

చేతలలో వలచి

మనసులో నిలచి

ముంగిట ముగ్గుల తోరణాలు 

రంగులతో నద్దిన పండుగలు 

అమ్మమ్మకు తోడుగు నుండి 

చెంగుమను తిరుగాడు సందడి 

మా ఇంటి వనితవై

ఓ ఇంటి ఇల్లాలివై

మంచికి మారుపేరుగ 

పంచిన ప్రేమగీతములు

తోడబుట్టిన నా చెల్లి

చూడచక్కని నా తల్లి

ఏడఉన్నను నా చెల్లి

వేడుకౌదునుగా మల్లి .....

పుట్టినరోజు శుభాకాంక్షలు 

**************

To Dhruv Tatayya

 ******************************

Nothing will stop tears

when loved one touching heart 

Getting a letter from dears

Is an unforgettable moment not to fall-apart (1)

Fun-filled Grand Pa  to have

with heartful love and affection  

Dhruv is very lucky to have

such a wonderful personal action (2)

Thank You for your Birthday Note

Dhruv always reminds you more

Thank You for your Wish Note 

Dhruv always loves you more  (3)

***************************

అమ్మాయి పుట్టుక - వెంకీ పాప

*********************************************** 

అమ్మాయి పుట్టుక అందాల తోరణం 

కమ్మగా మాయింట కళకళ తోరణం 

చెమ్మగిల్లిన కళ్ళల్లో ఆనంద తోరణం 

అమ్మ నాన్నల ఆశల హరివిల్లు తోరణం 

పిల్ల వచ్చెనోయ్ 

పిల్లా వారింట 

వెల్లు వెక్కెనోయ్ 

వెంకీ స్వాతింట 

అమ్మమ్మ తాతయ్య 

నాన్నమ్మ తాతయ్య 

అత్త మామామల నోట, 

అన్న అచ్చట ముచ్చట ,

బావ వదినల 

బుల్లి గడుగ్గాయల నోట, 

ఒకటే సందడి 

పండుగలో పందిరి

పలుకలో చెల్లెమ్మ 

కులుకలో చెల్లెమ్మ 

తళుకులో తారమ్మ 

చిలుకు బోసినవ్వమ్మా 

రావమ్మా లక్ష్మియై 

తేవమ్మా సంతసం 

పుడమిపై పూర్ణమ్మ 

పుత్తడి బొమ్మ నీవమ్మా 

కోటి ఆశల తీరమ్మై 

పుట్టినింటి ప్రేమగీతమ్ములు 

మెట్టినింటిలో సారమ్మై 

అట్టిపెట్టు ప్రేమగీతమ్ములు 

నీ రాక మార్పులే 

మాకెన్నో చేర్పులై 

నీ తీపి గుర్తులే 

మా ఇంట కూర్పులౌ 

నిండు నూరేళ్లు 

పండువెన్నెల పూసి 

మెండు జీవితమందు 

ఉండు నా తల్లి 

పుడమి నందు .... అందుకో మా శుభాశీసులు 

*********************************************** 

మల్లేశ్వరరావు పొలిమేర 

12/06/2020

పారిజాతాపహరణం - పద్యము (ప్రభాసము)

 మనము(within Heart)నన్ 

అనుమానమున్(even with doubt) 

ఊనను(not say) 

నీ(your) 

నామము(Name)+అనుము (say)+అనుమననము(repeatedly chanting)ను

నేమమ్ము(as a rule)న

మానన్(don't give up), 

నన్ను (Me) 

మన్నన(with kindness)

మనుము(live long)+అను(say),

నానా(Many)

మునీన(saints)

మాన(expectations)+అనూనా(not reachable one!)  

Halloween time

 Halloween time

Early days of winter time

Season for beans

Reason for kids counting scenes...

Fun of findings

Fun of windings

Creepy creepers

Happy remembrance...

Happy Diwali

 Traveling from India

Towards North America

There is no limit to lighten up

Every part of world, what’s up

A month before Christmas

Lightning the hearts

To get rid of the dark

From all sides to embark

Sequence of Diyas

Equipped with family and friends

Spreading the smiles

Sharing the sweets

Filling with fun of crackers

Echoing with wonderful sparkles

Happy Diwali

A Lightening holy .....

Malleswara Rao Polimera

11.14.2020

Tomoto Dil

 My backyard Tomoto plant speaks :

(Tomoto Dil)

****************************************

All times, I grow myself hard

To give delicious crop and safeguard

Now I started late with my cutie pies

What a green kiddos like green peas

About to welcome winter

All plants are thinking it is a hunter

Can I survive some more days

Can I ripen my sweeties on their ways

I am worrying, fellow dear plants

I know the same answer you also want

My boss didn’t give me a greenhouse

He is trying to provide a house

Requesting his garden group

Do we need to wait or make a soup?

****************************************

.... Malleswara Rao Polimera

11.13.2020

నవరాత్రులివై

 *******************వసుధ ********************

ఇలశక్తివిగా

పలురూపములో  

కొలువుండుచు నీ

వెలుగొందెనుగా  (1)

తొలి పార్వతిగా

మలు లక్మివిగా

అల భారతిగా

వెలుగొందెనుగా (2)

నవరాత్రులివై

కవనమ్ములివై 

పవనమ్ములిలా 

ప్రవహించెనిలా (3)

నినుకొల్చుటకై 

కనుచూపులలో 

మనసంతటలో

మునుఁగుండెదగా (4) 

భువిరాక్షసమౌ

కొవిడందుపడెన్ 

నవలోకములో 

నవరోగములే  (5) 

ఒడుదుడ్కులతో 

పడుపౌరులకై 

ఇడు శక్తినిలన్

కడు వెల్గులతో (6) 

***************************************

వసుధ (కిసలయ , తిలకా)

పద్య లక్షణములు

1. ఈ పద్య ఛందస్సుకే కిసలయ , తిలకా అనే ఇతర నామములు కూడా కలవు.
2. వృత్తం రకానికి చెందినది
3. గాయత్రి ఛందమునకు చెందిన 28 వ వృత్తము.
4. 6 అక్షరములు ఉండును.
5. 8 మాత్రలు ఉండును.
6. మాత్రా శ్రేణి: I I U - I I U
   • 4 పాదములు ఉండును.
7. ప్రాస నియమం కలదు
8. ప్రతి పాదమునందు స , స గణములుండును.

74 వ స్వతంత్య్ర దినోత్సవ శుభాకాంక్షలు

భరతమాత ఒడిలో భాగ్యవంతులం 

భరతజాతి పలుకు పంచి చూపుదాం   (ప) 

మాతృభూమి గాలి మాతోడు మానీడ 

        మాతృభూమి నీరు మాయందు ప్రవహించు  

మాతృభూమి మాట మామంచి సంస్కృతిన్ 

        మాతృభూమి పేరు మాతోటి నడయాడు  

మాతృభూమి వెలుగు మలచి చూపుదాం (చ 1) 

స్వాతంత్ర దినమును స్వాగతించి నేడు 

        ఆమువ్వన్నెల జెండా ఆశలో భాగమై 

అమరవీరులందరిని ఆత్మలో నిలిపి 

        అరాచకత్వమ్ము అణిచివేయదలచి 

మాతృభూమి వెలుగు మలచి చూపుదాం (చ 2) 

సారవంతపు నేల, సముద్రకాంతలు గల్గి  

        సంప్రదాయము, సాంకేతికలు నిండి 

సాహిత్య సంపద, సహజసిద్ధ వనరులతో   

        సర్వమత సమ్మేళనములు జూపు

మాతృభూమి వెలుగు మలచి చూపుదాం (చ 3)  

 

 

 

 

జన్మాష్టమి శుభాకాంక్షలు

*************కలరవము***************************

వసుదేవుని గృహమున బుడతవురా  

అసి దేవకి హృదయపు శిశువవుచున్ 

నిశిరాత్రి యమున నది పయనముతో

దిశ నందుని గృహమున కొలువయెరా (1)   

అనురాగపు యడుగులు వలపగ రా

మనసంత మురిపములు నిలుపగ రా 

తనువంత ప్రియమవుచు తలపగ రా

కనులార కలవరము కలుపగ రా  (2)

*****************************************************

కలరవము పద్య లక్షణములు

1. వృత్తం రకానికి చెందినది
2. శక్వరి ఛందమునకు చెందిన 8188 వ వృత్తము.
3. 14 అక్షరములు ఉండును.
4. 16 మాత్రలు ఉండును.
5. మాత్రా శ్రేణి: I I U - I I I - I I I - I I I - I U
   • 4 పాదములు ఉండును.
6. ప్రాస నియమం కలదు
7. ప్రతి పాదమునందు స , న , న , న , వ(లగ) గణములుండును.

రాఖీ పౌర్ణిమ శుభాకాంక్షలు

అవనిలో అమ్మకు ప్రతిరూపము అక్క

చెరిగిపోని ప్రేమకు ప్రతిరూపము చెల్లి 

తోబుట్టువులౌ తొలుత స్త్రీమూర్తులు 

మనపుట్టుకకు మరో అనురాగమూర్తులు 

మన మనసుకు దగ్గరి బంధువు 

మన మమతలు పంచిన బంధువు

మన బాల్యపు స్నేహపూర్వక బంధువు 

మన సరదాల సహిత వలపుల బంధువు 

బాధ్యత నెరిగిన బంధము లెన్నో 

బాధలు పంచుకొను నిస్వార్ధము లెన్నో 

భారము కాదను భావనాలెన్నో 

బాటను పంచెడి భాగ్యము లెన్నో 

మాఇంటి మహాలక్ష్మియై 

మెట్టినింటి గృహాలక్ష్మియై 

తనయింటి ప్రేమానురాగాలు

పలికించె సప్తస్వరాలు  

మల్లేశ్వరరావు పొలిమేర 

08.03.2020

పల్లెల పాడిపంటలనుఁ

పల్లెల పాడిపంటలనుఁ బామరులెల్లరు సాగుచుండగా

అల్లది పట్టణమ్ములను హద్దులు లేవని సాగు చూడరా,

ఎల్లరు పొట్టకూడికని  నెంచిన నౌకిరి కేగుచుండగా

ఉల్లమునెన్నొ యూహలిటు నోర్పుగ నుత్పలమాలలూగెనో …

 

"మానవ జాతి మన్నుగడ మాదని" కర్షకలోక మందులో

నా నవజాతి కష్టముకు నన్నపు గింజలు కూడ బెట్టగా

కానక కాలగర్భమున కార్యములందున వెట్టి చాకిరిన్

లోనగు పట్టణస్థులును లోకము తీరును చూడకుండిరే … 

 

పచ్చని పంటభూములను పల్లెల బాగుకు నెక్కుపెట్టుచున్

మెచ్చెడి క్రొత్తపద్ధతులు మీటుచు నాగరికమ్ము నిల్పుచున్

స్వచ్చత నింట నిల్పుకొని సంస్కృతి నిండిన రాజ్య సంపదై   

వచ్చిన మార్పుమంచికని స్వాగతమిచ్చుచు సాగిపొమ్మురా  …

 

శృంగములన్ని శోభయగు వృద్ధిని కోరుచు సామరస్యమున్

రంగములందు పాలకులు రాజ్యపు రాసులు రంగరించగా

భంగముగాక లోకులకు పల్లెలు, పట్టణముల్ సరాసరై

హంగులనెన్నొ నింపుకుని  నందరి సౌఖ్యములెత్తి జూపురా …

 

శృంగములు = ప్రభుత్వాలు

Happy Fathers Day ....

 *****************************

Every day in our life

Never say any word

Every minute for our life

Never stop working hard (1)

Every day what he feel

Never show in his face

Every minute by accumulate love

Never ever over flow (2)

Every day any pain

Never show in his tear

Every minute bear the strain

Never clear what he wear (3)

Every day with my mom

Never boost himself bold

Every minute with the family

Never recognize to the world (4)

What a person he is?

Do you think he is MAD?

What a love it is?

Do you think it is BAD? (5)

What a feeling he has?

Do you think it is SAD?

Who is he finally?

Yes yes, he is the DAD... (6)

Happy Fathers Day ....

06.21.2020

Malleswara Rao Polimera

*****************************

అల్లంకు వారికి వందనముల్

****************మధుమతి (స్వనకరీ)**************

మనసు మాటలతో 

తనువు చేతలతో 

కనుల చూపులతో 

అనుచు వ్రాయుదునే (1)

కలము కాగితమున్

మలచి మంత్రములన్

తలచి పద్యములన్

వలచి వ్రాయుదునే  (2)

మెరుగు మానసముల్ 

తరుగు తాపములున్ 

కరుగు ప్రాణములున్ 

తరిగి వ్రాయుదునే (3)

చదువు పుస్తకముల్ 

ఒదుగు నొజ్జలలా

కుదురు కల్గెదరే,

విధిగ  వ్రాయుదునే  (4)

ఒక “శరత్తు”న, మీ 

రొక “ప్రియ”మ్మవుచున్

ఒకరి కొక్కరు చే 

రికయి, బంధువులౌ (5)

కలసి స్నేహితులై 

కలసి బంధువులై 

కలసి వేడుకులన్ 

కలసి నింపెదరున్  (6)

కలసి "నేహ"ను ధ్రువ్ 

వలచి పూర్వి "క్రిష"న్  

అలుపు రావనుచున్

కలసి పోయెదరే  (7)

కలసి ఆటలతో

కలసి మాటలతో 

కలసి వచ్చెరు, నే

కలగ వ్రాయుదునే  (8)

కలము చూడగనే 

విలువ చూడగనే 

కలువ రేకులలా 

మలచి వ్రాయుదునే (9)

తెలిపి వందనముల్ 

కలసి మాధవితో

తలచు కుందునులే 

తలచి తన్మయమున్ (10)

*******************************************

మధుమతి పద్య లక్షణములు

• ఈ పద్య ఛందస్సుకే స్వనకరీ అనే ఇతర నామము కూడా కలదు.
• వృత్తం రకానికి చెందినది
• ఉష్ణిక్కు ఛందమునకు చెందిన 56 వ వృత్తము.
• 7 అక్షరములు ఉండును.
• 9 మాత్రలు ఉండును.
• మాత్రా శ్రేణి: I I I - U I I - U
• 4 పాదములు ఉండును.
• ప్రాస నియమం కలదు
• ప్రతి పాదమునందు న , భ , గ గణములుండును.

మల్లేశ్వరరావు పొలిమేర 

05.19.2020

నలభై వసంతాల పయణం

నలభై వసంతాల పయణం

నలుమూలలా పంచి చూపిన ప్రణయం 

నమ్మకంతో తోడుండు హృదయం 

నాలుగు అమావాస్యలు దాటగలిగే వినయం 

పున్నమి పౌర్ణమి వెలుగులతో 

కన్నకలల సాకారముతో 

మిన్నటి జీవితగమనముతో 

విన్నవించును మీ పుస్తక పఠనము 

లీలలు కలగలుపు అర్ధాంగి 

వీలుగ మలచగలుగు నాథుడు 

ఏలిన సంసార సాగరము 

ఆలనలో మీ సహగమనము 

ఆటుపోటుల నెదురించి 

చేటును దూరము నుంచి 

వాటాలకై ఆశించక 

తూటాలనే సంధించి 

కట్టుకున్న ఆ సుందర గృహము 

మట్టుకు మహా అంబురుహము

తట్టిన సరదాల సందర్శన

ఎట్టివారికైనా ఆదర్శణ 

అందుకోండి అభినందనలు 

ముందు తరాల వందనములు 

పొందులే కలగలుపి

అందరి శుభాభినందనలు

ఆలన = ఆలకించుట

అంబురుహము = పద్మము, నీతిలో పుట్టునది

ఇట్లు 

మాధవి - మల్లేశ్వర 

వెంకటేష్ - స్వాతి 

చెర్రీ - పూర్వి 

కింకు 

05/07/2020

మల్లేశ్వరరావు పొలిమేర 

మారిన లోకపు

మారిన లోకపు మంటల్లోనన్
కూరిన మానవ కోరల్లోనన్
చేరిన దీనటి జీవమ్ముల్లో
పేరుకు పోయెను భీతుల్, రాతల్ (1)

ప్రేమలు పంచిన పెండ్లాముల్లున్
ప్రేమలు పంచిన ప్రేయాంసుండుల్
ఓమటి నిచ్చెడు నుద్యోగాలన్
రామని యింటికి రాజేసుండ్రున్ (2) 
   

మా పెళ్లి రోజు - మా కందములు - మాకు అందములు

*********మా పెళ్లి రోజు - మా కందములు - మాకు+అందములు ***********
ఒట్టులు పెట్టుచు బాసలు
మట్టుకు కలబోసె జంట  మాధవి మల్లేష్
మొట్టమొదటి వత్సరమున
తట్టు తలపులు, మనసులను దగ్గరి జేర్చెన్ (1) - 2007

మట్టుకు = పొందికకు , ప్రేమకు

"అండగ నేనుండెద నీ
నిండుగ నేనుండెదననె" నెచ్చెలి వౌచున్
రెండవ వత్సరమందున
మెండుగ మది పంచుకొనెను మిక్కిలి ప్రేమల్ (2) - 2008

ముచ్చటగా మూడవ సమ,
పచ్చని కాపురముఁ గలిగె బాబుగ చెర్రీ
వెచ్చని ప్రేమలు వెలుగుచు
నిచ్చెను శోభలను పుత్రు నిచ్చనుఁ గూర్చీ (3) - 2009

సమ = వత్సరము , ఇచ్చ = చిత్తం, మనస్సు

కొలువులని విదేశములన్
నలుదిక్కులు తిరిగి తరిగె నాల్గవ యేడున్ 
విలువయిన బంధము లవై
మలుపును కోరుకొని వచ్చె మంచిగ తలపుల్ (4) - 2010

బుడిబుడి నడకల ధ్రువుతో
వడివడి రోజులు కదులుచు వలపుల వలలో
చెడుగుడు యాటలు కలిపెన్
అడుగులు నలవోక గింట  నైదవ శకమున్ (5) - 2011

చేరుకొనె నమెరికా నా
ఆరవ సంవత్సరమ్ము నాశల తోడన్
దూరము బెర్గిన బంధపు
ద్వారము ధృఢమౌ వలపులు స్వాగత మిచ్చెన్  (6)  - 2012

సరికొత్త జీవితమ్మిటు
విరచితమై మా మది చదివెను "సాన్రోమన్"
ధరణిని వరమని కలగని
ఎరిగెను నిద్దరముఁ బలికి నేడవ యేటన్ (7)  - 2013

వలసలు వదలక వడిగా
కలవర బెట్టిన కదిలెను కలగలుపు "బ్రియా"
అలవక తోడుండి నడచి
చిలికిన పెరిమల కుటుంబ చిత్ర మెనిమిదౌ (8)  - 2014

ఈ యింటి మహాలక్ష్మియె
ఈ యేడున వచ్చెననుచు నిచ్చెను వార్తన్
ఈ యెదలను సంతృప్తిన్
ఈ యన్నకు సంతషమ్ము నిలలో నవమున్  (9) - 2015

అందని యాకాశము దిగి
అందిన మా తార పూర్వి ఆటల యందున్
అందరి పొందిక లమరుచు
చందము జిమ్మెను దశమున జాతరనొప్పెన్  (10) - 2016

రెండుగ మొదలై మనసులు
మెండుగ కలబోసి మదిన మీటుచు సృతులన్
అండగ మెదిలే మనసులు
పండుగలన్ దెచ్చి పలికెఁ బదునొకటి సమన్     (11) - 2017

అన్నియు తానై కొలచుచు
వెన్నుగ తానుండి మలచు ప్రేమగ నారీ
పన్నెండు వత్సములలో
నన్ని తన కనులను గాంచు నాతృత నుండెన్  (12) - 2018

పదమూడు జయించి నిపుడు
ఒదిగిన పిల్లల మమతల నొద్దిక తోడన్
విధిని నెదిరించి సాగుచు
చదివెద జీవితపు వాణి సంఘటితమ్మున్  (13) - 2019
వాణి = పుస్తకము

******************************************

కందం

పద్య లక్షణములు:

1. 4 పాదములు ఉండును.
2. ప్రాస నియమం కలదు
3. రెండవ పాదమునందు 4 వ గణము యొక్క మొదటి అక్షరము యతి స్థానము
4. నాలుగవ పాదమునందు 4 వ గణము యొక్క మొదటి అక్షరము యతి స్థానము
5. ఒకటవ పాదమునందు మూడు 4 మాత్రల గణములుండును.
6. రెండవ పాదమునందు ఐదు 4 మాత్రల గణములుండును.
7. మూడవ పాదమునందు మూడు 4 మాత్రల గణములుండును.
8. నాలుగవ పాదమునందు ఐదు 4 మాత్రల గణములుండును.
9. 6వ గణము నల లేదా జ కావలెను.
10. చివరి అక్షరం గురువు కావలెను.
11. బేసి గణం జ కూడదు

మధురగతి రగడ

**********************మానవ జాతికి ******************

మానవ జాతికి మారిన రోజులు

ప్రాణముఁ దీయుచు భయమిడి రోజులు

కానని కరోనఁ గాల్చిన రోజులు

మా నవ జాతికి మభ్యపు రోజులు (1)

పరిణతిఁ జెందిన ప్రాణివి గదరా

పరులను జయించు బలుపువి గదరా

కరుణను మరచిన కామివి గదరా

దొరకని జబ్బుకి దొరికెను గదరా (2)

ఉరుకులు పరుగులు ను త్తివి కాదా

మరిచిన బంధము మండునుఁ గాదా

విరుగుడు విద్యలు వింతలుఁ గాదా

అరయఁగ మార్పును కోరెను గాదా (3)

ఆశలు భాషలు అడియాసౌనా

వేషము మార్చుట వీలగునౌనా

రోషము వీడిన రోదసియౌనా

దోషము లేనటి దొరలాగౌనా (4)

****************************************

మధురగతి రగడ పద్య లక్షణములు

1. జాతి(రగడలు) రకానికి చెందినది
2. 8 నుండి 16 అక్షరములు ఉండును.
3. 4 పాదములు ఉండును.
4. ప్రాస నియమం కలదు
5. అంత్య ప్రాస నియమం కలదు
6. ప్రాస యతి నియమం కలదు
7. ప్రతి పాదమునందు 3 వ గణము యొక్క మొదటి అక్షరము యతి స్థానము
8. ప్రతి పాదమునందు నాలుగు 4 మాత్రలు గణములుండును.