భరతవర్షమ్ము - గణతంత్ర దినం

భరతవర్షమ్ము - గణతంత్ర దినం - శుభాకాంక్షలు 01/26/2018

***************వసుధ (కిసలయ , తిలకా)********************
అప్పుడు(A) _________________ ఇప్పుడు(B)
*****************************************************************
భరతమ్మెపుడో
సిరులున్నవనిన్
హరియించుటకై
పరులొచ్చెనురా (1A)

___________________భరతమ్మిపుడున్
___________________సిరులెంచుటకున్
___________________హరియించుటకై
___________________సరిసాటయరా (1B)

ఒడిలో మమతల్
బడిలో పథముల్
గుడిలో విధముల్
తుడిచెన్ నడకల్ (2A)

___________________ఒడిసెన్ పదవుల్
___________________బడిలో ధనముల్
___________________గుడిలో భయముల్
___________________తుడిచెన్ నడకల్ (2B)

ఎవరో వలచెన్
సవితై పొడిచెన్
సువిశాలమనిన్
భవితన్ కుదిపెన్ (3A)

___________________ఇవిగో యనుచున్
___________________అవినీతిపరుల్
___________________చవిచూచెనురా,
___________________భవితన్ వదిలెన్ (3B)

ఎదురించుటకై
విధిగా బిరుదుల్
కదిలొచ్చెనుగా
పదులై పథమున్ (4A)

___________________ఎదురించుటతో
___________________విధిరాతలనే
___________________కదుపున్ కదరా,
___________________వదిలుండుటయా? (4B)

మనమున్ దృఢమున్
పనిగా వడిగా
తన గొంతులతో
వినిపెంచెనురా (5A)

___________________మనలో మనమే
___________________గణతంత్రముతో
___________________కనిపెట్టుట కీ
___________________దినమొచ్చెనురా (5B)

_________మనమందరమున్
_________మన ధ్యేయముగా
_________మన సంస్కృతితో
_________మన మేలెదమున్ (6)

***********************************************************
బిరుదు = శూరుఁడు.
మనము = మది
పథము = మార్గము

వసుధ (కిసలయ , తిలకా)
వృత్తం రకానికి చెందినది
గాయత్రి ఛందమునకు చెందిన 28 వ వృత్తము.
6 అక్షరములు ఉండును.
మాత్రా శ్రేణి: I I U - I I U
4 పాదములు ఉండును.
ప్రాస నియమం కలదు
ప్రతి పాదమునందు స , స గణములుండును.