మనబడి మధ్యసదస్సు

ప్రశిక్షణ ఇంటిపని ముగిసి ...
***********************************************
కం. ఇంటి పనులన్ని శ్రద్ధగ
కంటిమి మనబడి సదస్సుకై పయనమ్మే
యంటు మది పరవశించెను,
బంటులమై తెలుగు వెలుగు బంచుట కొరకున్ (1)
***********************************************
సదస్సుకి స్వాగతము ...
***********************************************
కం. స్వాగత మిచ్చుచు వచ్చిరి
వేగిరమున్ విజయ గారు విడిది నిడుచుచున్
బాగుగ దలచిన నా మన
సాగక వందనములిచ్చి సంతోషించెన్ (2)
***********************************************
నిర్వహణ ...
***********************************************
కం. మన తెలుగు వెలుగు కొరకై
మనబడియే నిర్వహించె మధ్యసదస్సున్
మన గురువులకు ప్రశిక్షణ,
మన విద్యకు మెలకుఁవలను మధనము జేసెన్ (3)
***********************************************
కం. "మేధోమధనము జేయుచు
సాధించెదము నభివృద్ధి సాగుము గురువుల్
చేదోడుగ మేముంటిమి
సాధనము" ననుచు తెలిపెను సభలో ప్రముఖుల్  (4)
***********************************************
వినోదము ...
***********************************************
కం. దుర్యోధనునిగ వాక్చా
తుర్య మపూర్వ పదజాల తోరణములతో
కార్యక్రమము వినోదపు

చర్యగ మలచిన నటనయి సాగినది రవిన్   (5)
***********************************************
నిర్వాకులకు ...
***********************************************
కం. ఆహా! యేమి సదస్సిది
ఓహో! యాతిధ్యమదిరె నో డెట్రాయిట్
సాహో మనబడి! చూసితి
ఆహా! యేమి తెలుగు రుచి యాత్మీయతనన్!   (6)
***********************************************